HALMASHAURI YA WILAYA YA PANGANI IMETAKIWA KUWEKA KIPAUMBELE KATIKA UCHUMI WA VIWANDA.
Halmashauri ya wilaya ya Pangani imetakiwa kuweka
kipaumbele katika uchumi wa viwanda na kutumia rasilimali zilizopo ikiwemo
bahari ili kuongeza mapato kwa ajili ya
kuleta maendeleo ya halmashauri ya wilaya hiyo.
Akizungumza wakati alipokuwa akiwahutubia wananchi wa
Pangani waliokusanyika katika uwanja wa ofisi ya kata ya Pangani Magharibi
Kiongozi wa Mbio za mwenge wa Uhuru
kitaifa Bwana AMUR HAMAD AMUR
amesema hakuridhishwa na kiwango cha mapato kilichokusanywa na
halmashauri hiyo kwa mwaka wa fedha 2016/17 akisema inawezekana kuwa ni
halmashauri ya kwanza kukusanya kiwango kidogo cha mapato.
Hata hivyo kiongozi huyo wa mbio za mwenge amewapongeza
Viongozi wa halmashauri ya wilaya ya Pangani kwa ushiriki wao wa kuwezesha kuanzishwa kwa vikundi vya ujasiriamali
vya vijana na wakina mama ambavyo vilizinduliwa na mbio za mwenge wa uhuru
kitaifa
huku akisema ni kitu cha pekee
kuona uwepo wa vikundi vinavyofanya kazi nzuri katika wilaya ya Pangani tofauti
na maeneo mengine aliyopita hivyo kuitaka halmashauri hiyo kuviongezea mikopo
vikundi hivyo ili kukuza mitaji yao na kunyanyua uchumi wao na halmashauri.
Kwa upande mwengine Kiongozi huyo amesikitishwa na
kitendo cha uongozi wa Halmashauri ya
wilaya ya Pangani kutoviunga mkono vikundi
vinavyozalisha bidhaa mbalimbali
kwa kutonunua bidhaa za vikundi hivyo
ikiwemo kikundi cha AMANI VICOBA kinachojihusisha na uzalishaji wa
Batiki katika mji wa Pangani.
Pamoja na hayo Bwana Amur amezindua miradi mitano ya
kimaendeleo , mmoja kuweka jiwe la msingi na mmoja kufunguliwa yote ikiwa na
thamani ya shilingi za kitanzania zaidi ya bilioni 2.
Mbio hizo za mwenge wa uhuru kwa wilaya ya Pangani
zilipokelewa tarehe 29 mwezi wa 9 Mwaka 2017 katika kijiji cha Mkalamo ukitokea
wilaya ya handeni na kukabidhiwa kwa wilaya ya Muheza katika kijiji cha mkuzi
huku ujumbe wa mwenge wa uhuru kwa mwaka huu ni SHIRIKI KUKUZA UCHUMI WA
VIWANDA KWA MAENDELEO YA NCHI YETU.
No comments